HINDI NUSKHE: Kapalbhati Yoga Kaise Kare | Fayde Aur Savdhaniya In Hindi

kapalbhati yoga

Hello guys!!! meri HINDI NUSKHE site me aapka swagat hai. aaj hum aapko kapalbhati yoga kaise karte hai ye sikhayenge. iss post me hum apko kapalbhati yoga kaise karte hai vo batayenge aur usme rakhne vali savdhaniya aur fayde bhi batayenge.

'Kapalbhati' ek sanskrit word hai. 'kapal' ka arth hota hai forehead. nose aur mathe ke balo ke bich ka jo part hai use kapal kehte hai. 'Bhati' ka matlab hota hai lightning(chamkila).

Kaha jata hai ki jiska kapal chamkila ho use rogmukt mana jata hai aur kapalbhati pranayam se kapal chamkila banata hai aur aapko koi bhi bimari jaldi nahi hoti hai ya fir aisa kahe ki aap kapalbhati yoga se rogmukt rehte hai.

Kapalbhati Yoga Kaise Kare???

kapalbhati step by step

Kapalbhati yoga kaise karte hai uski procedure maine apko niche step by step batayi hai. agar aap bhi ye yoga apne ghar pe karna chahte hai to to aap niche ke steps ko follow kar aap ye yoga kar sakte hai.

Step 1 : Farsh par padmasan mein baithe

Kapalbhati karne ke liye ye sabse pehla step hai. sabse pehle reedh ki haddi ko sidha rakh kar padmasan ki mudra me farsh par baith jaye aur apne dono hath apne ghutno par rakh dijiye. 

Ab apne sans ke aane aur jane par dhyan de. Agar aapko baithne me taklif hai to aap kursi par baith kar bhi kapalbhati kar sakte hai.

Step 2 : Sans lena

Kapalbhati yoga me normal tarike se hi sans lena hota hai. aapko apna pet dhire dhire andar karna hoga. agar aap dheere dheere sans lenge to apne aap hi aapka pet andar hoga. 

Jab tak aap apni sanse rok sakte hai tab tak rokne ki koshish kare. iss yoga me sans lene se khoon ka aeration hota hai.

Step 3 : Sans Chhodna

Kapalbhati yoga me jitna dhyan sans lene me rakhna padta hai usase thoda sa jyada dhyan sans chhodne me rakhna padta hai. 

Sans ko chhodne me jyada dhyan isliye rakhna hai kyonki iss yoga me sans o forcefully chhodna hota hai. sans ko aise forcefully chhodna hota hai ki jisme humare fefdo me bhri hui sari air sans jariye forcefully bahar aa jaye.

Step 4 : Daily ye yoga kare

Agar aap achhi sehat vale hai, aap koi bimari ka shikar nahi hai to aap daily 10 se 15 minutes tak kapalbhati kar sakte hai. agar aap bimar hai, apko koi dard pareshan kar raha hai to aap ye yoga daily 20 se 25 minutes tak kare.

Dosto humne ye to jaan liya ki kapalbhati kaise karte hai. lekin ye kapalbhati yoga karte samay humko kuchh savdhaniya bhi rakhni hoti hai. to dosto aaiye jante hai hume kapalbhati yoga me kya kya savdhaniya rahni hoti hai.

Kapalbhati Yoga Ki Savdhaniya / Precautions Of Kapalbhati

Kapalbhati ke jitne bhi fayde hai vo hum aapko niche batayenge lekin usme savdhaniya bhi utni hi jyada rakhni padti hai. 

1. Kaplbhati subah ke samay khali pet hi karna chahiye aur jab aap kapalbhati kar rahe hai aapka pet bilkul khali hona chahiye.
2. Agar aapko khana khane ke baad kapalbhati karna hai to khana khane ke baad kam se kam 5 hours ka gap rakhe. khana khane ke baad 5 hours ke baad hi kapalbhati kare.
3. kapalbhati ke baad 30 minutes tak kuchh khana nahi chahiye. aap chahe to thoda pani le sakte hai lekin bahot jyada pani bhi nahi pina chahiye. sirf pyaas chhipane ke liye 2 ya 3 ghunt hi pani pina chahiye.
4. Starting me kapalbhati kisi yoga ke jankar ke dekhrekh me hi karna chahiye.
5. Sans ko bal ke chhoda jarur jata hai lekin sans lete vakt itna dhyan jarur rakhna chahiye ki sans ko bal ke sath liya nahi jata. jab aap sans ko andar kheech rahe ho to aapko dum ghutne jaisa feel nahi hona chahiye.
6. Garmi ke dino me kapalbhati sirf 3 se 4 minutes tak hi karna chahiye.
7. Hypertension aur kamar dard vale insan apne doctor ki advice lekar hi iss prakriya ko kare.
8. Garbhvati mahila, gastric aur ulcer se pidit, hernia aur mirgi ke patient ko ye yoga nahi karna chahiye.
9. Heart patient aur piliya ke patient ko kapalbahti karne par hani ho sakti hai isliye jo log heart se sambamdhit aur piliya ki bimari se pidit hai vo log ye pranayam na kare.
10. Vaise to kapalbhati yoga se normal insan ko koi side effect nahi hoti hai fir bhi agar aapko kapalbhati karte samay chakkar aane aur ji machlane jaisi koi bhi pareshani hone par turant apne doctor se contact kare.

Ab dosto aapne ye to jaan liya ki kapalbhati yoga me kya kya savdhaniya rakhni hoti hai lekin aapko ye bhi pata hona chahiye ki kapalbhati yoga karne se fayde kya hote hai. friends ab hum aapko kapalbhati yoga ke fayde yani kapalbhati ke benefits batayenge.

Kapalbhati Yoga Ke Fayde / Benefits Of Kapalbhati Yoga

Dosto hum aapko ye batayenge ki kapalbhati yoga karne se fayde kya kya hote hai. to dosto aaiye jante hai kapalbhati se hume kya kya fayde hote hai.

1. Kapalbhati karne se aajkal ki common samsya yani motapa. kapalbhati karne se motapa kam hota hai. bharat me aise kai log hai jinhone kapalbhati se 30 se 40 kilo vajan kam kiya hai.
2. Kapalbhati pet ki jyada charbi ko ghatata hai aur apki kamar ko aapki body ke mutabik shape me lane me help karta hai.
3. Kapalbhati yoga chehre ki zuriya aur aankho ke niche ka kalapan dur kar chehre ki chamak fir se lautane me madad karta hai aur chehre ki sundarta ko badhata hai.
4. Kapalbhati yoga gas, kabz aur acidity jaisi bimariya se humesha ke liye nijaat milti hai. Kapalbhati humare shareer ki pachansakti ko badhata hai. aur pet se sambadhit sabhi bimariya dur karta hai.
5. Kapalbhati prayanam shareer aur man ke sare negative thinks mita deta hai. 
6. Kapalbhati se body me oxygan supply badhta hai aur khoon sudhdha hota hai aur cholesterol bhi control me rehta hai.
7. Kapalbhati karte vakt pasina aata hai jisase shareer clean hota hai. kapalbhati karne se physical labh ke sath sath metaphysical labh bhi hote hai. isase dhyaan sakti badhti hai aur kapalbhati karne vale vaykti ko koi bhi aam bimari chhu nahi pati.
8. kapalbhati karne se depression aur dum ke jaisi bimariya dur ho jati hai. kai baar chanchal man vale insan hadbadi me faisale kar apna nuksan kar baithate hai un logo ko kapalbhati karne se mind shant hota hai.
9. Kapalbhati karne se bal aur nind ki samasya bhi dur hoti hai. jaise ki balo ka safed hona, balo ka jhadna, nind nahi aana, jarurat se jyada nind jaisi kai samsya hai jo kapalbhati karne se dur hoti hai.
10. Kapalbhati gathiya ki bimari ko dur karta hai aur sardi ke vatavaran me kapalbhati karne se shareer me garmi paida hoti hai aur isase khasi-zukam jaisi bimariya dur hoti hai.
11. Kapalbhati karne se kam sunai dena aur aankho ke vikar jaisi samsya ko dur karne me bhi upyogi hai.

Final words

Dosto humne iss article me aapko bataya hai ki kapalbhati kaise kiya jata hai aur ise karne me kya kya savdhaniya rakhni padti hai aur iske fayde kya hai. i hope aapko meri ye post achhi lagegi. agar aapko meri post achhi lage to ise apne dosto ke sath share jarur kijiyega aur iss post se related koi bhi suggestion ya question ho to aap niche diye gaye comment box me likh kar mujhe bata sakte hai.